Нұр-Сұлтан

Елордада басталған «Балалар мен театр» жобасы жыл соңына дейін жалғасады 23 Ақпан в 14:30 9

"Елордада биылдан бастап «Балалар мен театр» жобасы бастау алды. Жобаға Ә.Мәмбетов атындағы драма және комедия театры атсалысады",- деп хабарлайды қала әкімдігінің ресми сайты.

«Оқушылармен байланыс» жобасы бойынша кесте жасалды. Оған сәйкес әр оқушы жас санатын ескере отырып, спектакльге тегін бара алады. Театрларға бару аптасына екі рет өткізіледі және балалар демалатын жазғы айларды есепке алмағанда, жылдың соңына дейін жалғасады.

Жас көрермендер театрда «Жас Абай» драмасын, «Маугли» ертегісін тамашалай алады.

Абай Құнанбайұлының 175 жылдық мерейтойына орай сахналанатын «Жас Абай» драмасында ақынның жалынды жастық шағы, туысқандық қарым-қатынасы, махаббат хикаясы бейнеленеді. Спектакльде ақынның танымал поэзиясы мен өлеңдеріне жазылған белгілі әндері шырқалады. Драмада алғаш рет ақынның қарындасы Кәмшаттың өлімі қозғалады. Сонымен қоса жас Абайдың үлкендердің ісіне алғаш араласа бастаған кезі де сомдалады.

Ал Р.Киплингтің атақты «Джунгли кітабы» дүние жүзіне белгілі. Маугли есімді балақайдың бастан кешкен оқиғалары, оның жақындары мен жалғыз дұшпаны көрініс табады.

Айта кетейік, елорда оқушыларына арналған қойылымдар «Nomad city Hall» сахнасында өтеді.


Маңызды жаңалық

Комментарийлер

Ақпарат графигі

  • 456 Нұр-Сұлтан бойынша барлық жаңалықтар
  • 112 Түркістан облысы бойынша барлық жаңалықтар
  • 104 Қарағанды облысы бойынша барлық жаңалықтар
Наверх